Osasun-larrialdia amaitu ondoren kirol eta kultura instalazioetan aplikatu beharreko araudi berria

Bilakaera epidemiologiko positiboari esker, Lehendakariaren Dekretu bidez amaitu da Osasun Larrialdia. Hala ere, urriaren 7tik, ostegunetik, prebentzio-neurri berriak jartzen dira martxan, osasun-krisia amaitu ez delako.

Neurri berri horien arabera, Güeñesko Udalak araudi berri bat ezarri du kirolinstalazioak erabiltzeko eta udal-ikastaroak garatzeko.

Urriaren 7tik aurrera aplikatu beharreko neurri berriak:

• Ez da beharrezkoa online erreserba egitea gimnasioa eta igerilekua erabiltzeko.

• Igerilekua eta gimnasioa erabiltzeko ordutegi-murrizketak ezabatzen dira; pertsona bakoitzak ordu finkorik gabe eta behar duen denbora erabiliko du.

• Gimnasioko aldagelen erabilera irekitzen da.

• Udal ikastaroen edukiera pandemiaren aurretik finkatutako plaza kopurura zabalduko da pixkanaka.

• MASKARILLAREN ERABILERA BEHARREZKOA DA oraindik barruko espazioetan. Kanpoaldean, erabilera ez da nahitaezkoa izango segurtasundistantziari eutsi ahal zaionean.

• Kirol eta kultura instalazioetan ez da gorputz tenperaturarik hartzen.

• Instalazioetan sartzean gel hidroalkoholikoa erabiltzea eta gimnasioan makinak garbitzea gomendatzen da.

• Santxosoloko aterpetxea ezin izango da alokatu oraingoz, bertako espazio bat beste erabilera baterako lagata baitago.